السلام عليكم ورحمة الله وبركاته
اقدم لكم هذه القصيده للشاعر المرحوم بندر بن سرور
واليكم القصيده واتمنى ان تنال على رضى مسامعكم
مالوم عين تصطفق بعض الأحيان=شافت غرابيـل الزمـان الغريبـه
ياكثر ما شافـت وياقـل الإيمان=بقلوب من بقلوبهـم شـك ريبـه
من ينصح اللـي يعتقدلـه بكهـان=يشـرك مـع الله واحـد مايثيبـه
لو يصدق الكاهن طلع منه برهـان=وفتك نفسه من حـدوث المصيبـه
لا شك كذاب خذو عنـه كذبـان=والله صدق عـلام غيبـك وغيبـه
من سبته يا ميـت القلـب ندمـان=لعل قلبـك للعمـى ويـش تبيبـه
وانصحك ياللي رشك الشيب عميان=وادي جهنم حـادرن مـع شعيبـه
يكفيك قليل المال والزود نقصـان=غادن بسوق السـو ليـه تغديبـه
لا تدعي بالمـال رابـح وخسـران=يفلجك من زيـن العمـل يدعيبـه
وفطن لكلمة ويل يـوم للانسـان=في ماقفن مـا ينفـع المـرو جيبـه
للشـر ميـزان وللخيـر ميـزان=تكتب ملايكـة السمـا وتعديبـه
خذلك نصيحة واحد شاف الاكوان=جرب غرابيل الدهـر مـن نصيبـه
من جاهد الدنيا فلا روس جنحـان=يصبر لصكـات الزمـان الرهيبـه
وانا الذي شفت الوزى يا سليمـان=برد الشتا والقيـض اكلنـي لهيبـه
ماني بأهين النفس لو كنت جاعـان=ما يرتع الا الكلب عقـب تهزيبـه
والله يالـولا كلمـة قـال ديـان=حقي غدابـه مانـوى انـه يجيبـه
لشهركما يشهر مع الجـو شيهـان=قطع البحـور ولا حيـاة الغليبـه
لجو علي النـاس قـوم وصدقـان=واخترت عنهم بعد ممسى النجيبـه
مهبلك ياللـي تلتويلـك بجبان=رجـل مـن الجبـان لا تلتويبـه
لا ساترن عرضك ولا قاضين شـان=تكسب نزولك عقب مبدى الرقيبـه
ابعد عن الجابان لو كنـت عريـان=ثـوب مـن الجابـان لا تكتسيبـه
يا رب تجعلي من الذنـب غفـران=يافارجـن لايـوب ممـا ابتليـبـه
وسلامتكم
وتقبلوا خالص الاحترام والتقدير لكم (
عبدالله خالد الفحيمي)
مالوم عين(ن) -------للشاعر بندر بن سرور
العرض العادي
